Oleh Indra Bagus Kurniawan
Metode Penulisan Karya Ilmiah Bahasa Jawa
BAB
III
METODHE
PANULISAN
Metodhe Panaliten
Jenis
panaliten sing digunakne yaiku panaliten kualitatif.
Panaliten kualitatif iku nganggo teknik analisis kang jero, njlentrehake
lan mratelakake perkara siji mbaka siji.
Panaliten kualitatif yaiku panaliten
kang ilmiah, sing nduweni ancas kanggo mangerteni salah sawijining fenomena sajroning konteks sosial kanthi alamiah lan ngutamakake proses interaksi komunikasi
kang jero antarane panaliti lan fenomena
kang kateliti (2010:9).
Teknik Ngumpulake Dhata
Panaliti nggunakake metodhe studi
pustaka, metodhe studi pustaka
yaiku salah sawijining cara kanggo ngumpulake katrangan sing dibutuhkake kanggo panaliti lumantar sumber referensi katulis kang jumbuh karo perkara
kang ditaliti. Panaliti ngayahi studi
pustaka kanthi buku referensi.
Sawise entuk bahan panaliten, panaliti milih lan milah dhata-dhata kang jumbuh
lan ndhukung tema saka perkara kang ditaliti sajroning karya tulis iki (2010:34).
Panulis uga nindakake pangumpulan dhata kanthi wawanrembug kang katujukake
marang Mbah Lasio lan Mbah Poso kang minangka generasi kaping papat saka tokoh Samin
ing Desa Klopoduwur, Kecamatan Banjarejo, Kabupaten Blora.
Teknik Analisis Dhata
Sajroning karya tulis iki, panaliti migunakake metodhe
triangulasi dhata. Triangulasi kena
ditegesi minangka teknik ngumpulake dhata kang asipat ndhapuk saka sawetara
teknik pangumpulan dhata lan sumber dhata sing wis ana. Panaliti
ngumpulake dhata kanthi triangulasi, tegese
panaliti ngumpulake dhata sing uga nguji kredibilitas
dhata, yaiku mriksa kredibilitas dhata
kanthi sawetara teknik pangumpulan dhata lan sawetara sumber dhata.
Triangulasi teknik, tegese panaliti
nggunakake teknik ngumpulake
dhata kang beda-beda kanggo nemokake dhata
saka sumber sing padha. Panaliti nggunakake
observasi partisipatif, wawan rembug
lan dokumentasi kanggo
sumber dhata sing padha kanthi bebarengan. Proses analisis dhata sing diayahi panaliti
yaiku mangkene :
Reduksi
dhata
Ngreduksi dhata tegese ngrangkum, milih
babagan sing pokok, focus/ pancer marang
perkara sing penting, digoleki temane lan polane.
Display
dhata
Display
dhata yaiku nyugatake dhata, saengga dhata sing ditemokake terorganisasi lan gampang dimangerteni.
Conclusion Drawing
Conclusion Drawing tegese
narik dudutan. Dudutan kawitan sing disugatake isih duweni sipat sawetara, lan bakal
owah menawa ora ditemokake bukti-bukti sing kuat.
Baca juga: Etika Politik Menurut Ajaran Samin Blora.
0 comments:
Post a Comment